Rojet Bregdetare të Turqisë shpëtuan 93 migrantë të parregullt nga dy gomone në Detin Egje, në bregdetin jugperëndimor të Turqisë, njoftuan të mërkurën burime të sigurisë, raporton Anadolu Agency (AA).

Forcat greke të rojës bregdetare dyshohet se i shtynë anijet që transportonin 74 migrantë të parregullt afganë dhe 19 sirianë, përfshirë 28 fëmijë dhe 10 gra, duke i kthyer në Turqi. Ata u shpëtuan nga rojet bregdetare të provincës Aydin.

Duke fajësuar BE-në për dështimin për të mbajtur premtimet e saj për të ndihmuar emigrantët e parregullt, Turqia kohët e fundit ndryshoi politikën e saj për migracionin e parregullt, duke lejuar migrantët që të vazhdojnë rrugëtimin e tyre drejt Evropës.

Turqia aktualisht strehon mbi 3.7 milionë refugjatë sirianë, duke e bërë atë vendin më së shumit refugjatë të strehuar në botë.